雅虎香港LGBT小組「PRISM」不時舉辦講座，讓同事交流對性別議題的看法。
【Yahoo 新聞報道】「同志驕傲月」（Pride Month）剛過去，但要持續在生活及工作空間保障同志權益，仍須各方努力。主張多元、包容的雅虎香港設 LGBT 小組「PRISM」，舉辦不同講座讓同事加深認識性別議題，細微至日常運用 He﹑She 等性別代名詞（gender pronouns）時都會照顧同事的感受。公司醫療保險亦邁向「平權」，員工的同性伴侶均享相關福利。「PRISM」主席 Lorraine 指，公司擁抱多元意識，讓員工在工作環境感到自在，「每一個人都有佢小眾嘅地方，可以自然地存在已經好好」。
文字記者：盧珮瑤
攝影記者：馬泉崇
上月正值 Pride Month，Lorraine 在每月例會穿上公司推出的最新彩虹 Pride Tee，向同事簡介「PRISM」的活動情況，「以前都係用 6 個顏色嘅旗，呢個再多啲顏色」，每種顏色象徵不同性別光譜，如新加入的粉紅、粉藍色代表跨性別，匯聚性小眾，繽紛奪目。
Lorraine（左）和 Francis（右）兩人身穿的是雅虎今年最新設計的Pride Tee，圖案由至少8種顏色組成，更加入代表跨性別的粉藍及粉紅色。
講座教性別認同代名詞
雅虎香港兩年前設立「PRISM」，Lorraine 指，小組會舉辦不同活動，包括邀請嘉賓大談多種性別概念，「希望令同事明白 Diversity（多元）嘅好處同重要性，最緊要係令大家了解多啲」。性別概念包括性別認同代名詞的運用，「He、She、Her等等，其實都係一個可以選擇嘅嘢」。
小事藏著大意義，員工Francis為跨性別者，坦言在講座前並未意識到代名詞的重要性，「我哋成日都話可以如常咁生活，但其實有啲細節自己都無顧及到」。他席間與同事交流時發現，其他人亦希望了解應怎樣稱呼他，「其實佢哋一路都唔敢問，係咪應該稱呼我做 Mr.（先生），定我唔鍾意嘅呢？其實同事唔係歧視，倒返轉係想知我點諗，大家都會舒服啲」。
於是，Francis 在講座結束後，決定向全體同事發放電郵，敞開心扉，「我講返自己嚟緊會有一個 transgender（跨性別）嘅 process（過程）會做，希望大家稱呼我做 Mr.（先生）。結果同事開始 send message（傳送訊息）嚟鼓勵我、叫我加油，我係無諗過」。
「PRISM」小組主席Lorraine指，小組於兩年前成立，相對雅虎美國總部已較遲起步，但希望透過活動讓同事了解性小眾群體的存在。
上月雅虎香港例會上，公司邀請了本地品牌Taboocha介紹「同志驕傲月」的歷史。
會後員工亦獲派Taboocha特別為「同志驕傲月」設計的飲品，有員工興奮「打卡」。
讓性小眾「被看見」
香港同志婚姻合法化遙遙無期，但雅虎香港的員工福利已率先邁向平權。Lorraine指，公司的醫療保險福利亦會涵蓋員工的同居伴侶，「因為香港唔係合法婚姻，但你可以declare（申報）呢個係我長期嘅伴侶，可以享有同等福利」。她續指，現時不少同性伴侶於海外結婚，員工只需出示相關結婚證明書，同樣適用於受保範圍，「係唔係same sex（同性）都唔會追問，總之會被視為一個結咗婚嘅人」。
作為媒體平台，Lorraine認為雅虎香港肩負讓性小眾「被看見」的使命，因此會定期刊登與LGBT相關的專題報道，如BL漫畫迷、跨性別者的經歷等，「唔同光譜我哋都會嘗試cover（報道），亦會將好多英國、美國發生嘅事translate（翻譯）咗喺呢邊出，希望小眾入面再比較小眾嘅都可以畀大家見到」。單計上月，雅虎香港已刊登至少6篇相關報道，LGBT專頁更累積超過50萬瀏覽次數。
Lorraine指，公司的醫療保險亦涵蓋員工的同性伴侶，讓所有人都享有同等福利。
多元不限於性取向
本身是女同性戀者的Lorraine於雅虎香港工作了20多年，「同事對大家嘅性取向無特別問同gossip（八卦），你自己都可以好自然咁講。我覺得呢樣嘢好重要，等於你唔會特登話畀人聽『我係一個左撇子』，好natural（自然）咁喺呢個環境生活」。
她強調，「多元」是工作環境不可或缺的一環，且不限於性取向，「因為職場咩人都有，會有宗教、種族、唔同家庭情況，每一個人都有佢自己小眾嘅地方。大家帶住個尊重去相處，變成一個融洽啲嘅工作環境」。
本身是女同性戀者的Lorraine，於雅虎香港工作超過20年，形容公司擁抱多元，不同背景的同事都可自在地工作。
Lorraine認為，多元共融不限於性取向，每位員工有著不同背景，在職場上都應獲得尊重。
轉載出處：Yahoo
轉載網址：https://reurl.cc/Rrpg7D
延伸閱讀/
